40 fëmijë të Qendrës për fëmijë me paralizë cerebrale do të shpërngulen në objektin e ri të ShF “11 Tetori”

40 fëmijë të Qendrës për fëmijë me paralizë cerebrale nga java që vjen do të shpërngulen në objektin e ri të Shkollës Fillore “11 Tetori”, që është në pronësi të Komunës Qendër, njofton kjo Komunë.

Fëmijët do të kenë mbështetje fizioterapeutike dhe defektologe, sipas të gjitha standardeve, thonë nga kjo Komunë.

Fëmijët me këtë sëmundje do të kenë mundësi për rekreacion dhe argëtim në këtë vend. Hapësirat janë në pajtim me standardet për qasje, lëvizje dhe shërbim të personave që lëvizin me aparatura ndihmëse.