Për festat e pashkëve do të sigurohet mbrojtje shëndetësore 24 orëshe

Gjatë ditëve të festave, shërbyesit e Shtëpisë Shëndetësore Shkup do të sigurojnë mbrojtje shëndetësore 24 orëshe përmes punkteve të natës në poliklinikat Idadija, Çento, Çair, Gjorçe Petrov, Bit Pazar, Jane Sandaski, Shuto Orizare, Draçevë dhe Bukuresht, informojnë nga Shtëpia Shëndetësore Shkup, transmeton Portalb.mk.

Ata theksojnë se të shtunën, më 7 prill, të gjitha shërbimet e specializuara do të realizohen në poliklinikën Bukuresht nga ora 8:00 deri në ora 16:00 dhe do të ketë 24 orë mbulim nga Shërbimi Mjekësor Emergjent me trajtim shtëpiak.