Thaçi e vlerëson hap të rëndësishëm për Kosovën vendimin e sotëm për Asociacionin
Presidenti i Kosovës, Hashim Thaçi, e ka vlerësuar hap të rëndësishëm për Kosovën funksionalizimin e Ekipit Menaxhues për Statutin e Asociacionit të komunave me shumicë serbe, transmeton Koha.net.
“E mirëpres gatishmërinë e Qeverisë së Kosovës që të bëjë funksional Ekipin Menaxhues për draftimin e statutit të Asociacionit të komunave me shumicë serbe”, është shprehur Thaçi, duke shtuar se “ky është një hap tjetër i rëndësishëm i Kosovës në përmbushjen e obligimeve ndërkombëtare”.
Haradinaj e Thaçi aktivizojnë ekipin menaxhues për draftimin e statutit për AKS-në
Kreu i shtetit ka thënë se Kosova është e përkushtuar për dialog dhe për të ndërtuar marrëdhënie të mira në mes të të gjitha komuniteteve në Kosovë.
“Kosova është shembull i akomodimit të të gjitha komuniteteve dhe i promovimit të dialogut si mjet i vetëm për ndërtimin e paqes së qëndrueshme, në Kosovë dhe në rajon”, ka thënë ai.