fbpx

Gjermania do të dorëzojë Carles Puigdemont në Spanjë

Prokuroria e Përgjithshme e landit Shlesvig-Holshtajn ka bërë të ditur të martën se do të esktradojë në Spanjë ish-kreun e qeverisë së Katalonjës, Carles Puigdemont, shkruan DW.

Belgien Carles Puigdemont (picture-alliance/dpa/AP/O. Matthys)

Gjermania do të ekstradojë Carles Puigdemont. Të martën (03.04) Prokuroria e Përgjithshme e landit Shlesvig-Holshtajn ka bërë të ditur se do të esktradojë në Spanjë ish-kreun e qeverisë së Katalonjës, Carles Puigdemont.

Drejtësia spanjolle e akuzon Puigdemont për rebelim për shkak të shpalljes së pavarësisë së Katalonjës. Prokuroria e landit gjerman ka bërë kërkesën në Gjykatën e Lartë të Landit për ekstradim mbi bazën e fletëarrestit.

Gjermania mbështeti Spanjën

Carles Puigdemont u arrestua në fund të marsit në Gjermani. Ai priti disa ditë vendimin në burgun e Neumünsterit pasi shqyrtimi i dokumentacionit konsiderohej shumë kompleks.

Puigdemont in Neumünster (picture-alliance/dpa/M. Christians)
Puigdemont qëndroi në burgun e Neumünsterit

Qeveria gjermane ishte shprehur se nuk do të rëndohen marrëdhëniet me Spanjën për shkak të ish-kryetarit të qeverisë katalanase, Carles Puigdemont. Zëdhënësi i qeverisë, Steffen Seibert u shpreh pas arrestimit të Puigdemont, se rasti është trajtuar sipas ligjeve gjermane e rregulloreve europiane në fuqi. “Spanja është një vend demokratik” dhe konflikti për Katalonjën duhet të zgjidhet “brenda të drejtës dhe ligjit kushtetues spanjoll”, kishtë thënë Seibert. Carles Puigdemont nuk kërkoi azil politik në Gjermani.

Lajme të ngjashme

Leave a Reply

Your email address will not be published. Required fields are marked *

Back to top button