Ligji i gjuhëve, deklarohet zëvendëkryeministri Bujar Osmani (VIDEO)
Në lidhje me ligjin për përdorimin e gjuhëve i cili që pas votimit të dytë është në pritje të dekretimit nga presidenti i Maqedonisë, Gjorge Ivanov, sot ka komentuar edhe zëvendëskryeministri për Çështje Evropiane, Bujar Osmani duke thënë se me zbatimine tij do të përgënjeshtrohen të gjitha kërcënimet e bëra paraprakisht, transmeton Portalb.mk.
“Sinqerisht, me padurim po pres zbatimin e ligjit të ri për përdorimin e gjuhëve, jo vetëm për shkak të faktit se fjala është për një arritje evidente të shqiptarëve, por edhe për shkak se me vet zbatimin e ligjit, do të përgënjeshtrohen të gjitha kërcënimet dhe frikërat që i paraqitën periudhën paraprake”, tha sot Osmani.
LEXO: Për herë të fundit, Bujar Osmani apelon për konsensus shtetëror (VIDEO)
Ndërkohë, nga ana tjetër se ligji për përdorimin e gjuhëve nuk është kërcënues dhe se frika nga zbatimi i tij është gënjeshtër, ka vlerësuar edhe ditë më parë kryeministri i Maqedonisë, Zoran Zaev.
Përndryshe të enjtën, kryetari i Kuvendit, Talat Xhaferi deklaroi se ai nuk do të vendosë nënshkrim në vend të presidentit Gjorgje Ivanov i cili edhe përkundër obligimit kushtetues nuk e dekreton ligjin për përdorimin e gjuhëve. Kryetari i Kuvendit njoftoi se ka kërkuar që të takohet me presidentin Ivanov por nga Kabineti i presidentit nuk i kanë kthyer përgjigje.
Në lidhje mundësinë për dërgimin e një kërkesë nga Kuvendi në Gjykatën Kushtetuese që e njëjta të deklarohet nëse presidenti ka shkelur kushtetutën me mos dekretimin e ligjit, Xhaferi tha se Kuvendi nuk ka bazë t’i drejtohet Kushtetueses.
Ndryshe, ligji për përdorimin e gjuhëve, me 64 vota “për”, në atmosferë të tensionuar për së dyti herë u miratua në Kuvendin e Maqedonisë, pasi që së pari herë Ivanov refuzoi ta dekretojë ligjin. Megjithatë, Ivanov përsëri deklaroi se nuk do ta dekretojë ligjin, edhe pse nuk ka të drejtë kushtetuese.
Pasi Ivanov s’e dekreton, si do të hyjë në fuqi ligji për gjuhët?
