Fituesja e Çmimit Nobel për Paqe, Malala Yousafzai ka vizituar vendlindjen e saj

Fituesja e Çmimit Nobel për Paqe, Malala Yousafzai ka vizituar sot vendlindjen e saj në Pakistan, për herë të parë që prej se u sulmua nga militantët talibanë më 2012.

Malala ka arritur në Mingore, në Luginën Svat së bashku me babai, nënën dhe dy vëllezërit e saj, transmeton REL.

Ajo ka shpërthyer në lot kur ka hyrë në shtëpinë e saj të vjetër, i ka thënë Radios Evropa e Lirë, një shoqe e Malalas që ishte prezente.

Gjatë vizitës së shkurtër, ajo është takuar me fqinjtë, familjarët dhe miqtë e saj. Malala ka qenë e shoqëruar nga ministrja e Informacionit, Maryam Aurangzeb.

Më vonë gjatë ditës ajo do të vizitojë një kolegj të kadetëve, që gjendet 15 kilometra nga Mingora.

Vizita e Malalas në vendlindjen e saj vjen dy ditë pasi ajo arriti në Pakistan, për herë të parë pasi ishte qëlluar në kokë, teksa po udhëtonte me autobusin e shkolllës. Ajo u qëllua nga talibanët sepse avokonte për edukimin e vajzave, gjë që miltiantët e kundërshtojnë.

Malala ishte 15-vjeçare kur u sulmua. Më pas ajo ishte dërguar në Angli për trajtim.

Ajo studion në Universitetin Oxford. Njëzetvjeçarja ka fituar Çmimin Nobel për Paqe më 2014.

Lajme të ngjashme

Leave a Reply

Your email address will not be published. Required fields are marked *

Back to top button