Zbulohen emrat, kush janë dy diplomatët shqiptarë të dëbuar nga Rusia
Ministria e Jashtme ruse thirri sot ambasadorin shqiptar në Moskë së bashku me përfaqësuesit e shteteve të tjera që vendosën dëbimin e diplomatëve të këtij vendi, si masë ndaj helmimit të ish-spiunit Sergei Skripal, për të cilin Britania fajëson Rusinë.
Rusia njoftoi ambasadorin tonë atje Arben Gazioni për dëbimin e dy dipomatëve, një masë kjo e njëjtë e marrë më herët nga Shqipëria.
Disa orë pas këtij vendimi janë mësuar edhe emrat e diplomatëve të shpallur “non grata”.
NOA mësoi se është dëbuar zv.ambasadori ynë në Moskë Albert Jerasi si dhe këshilltari Arben Doçi.
Ata kanë kohë deri në datën 5 Prill për të dalë nga Rusia.