Gjuriq: Separatistët shqiptarë dje sulmuan popullin serb në Kosovë
Shefi i Zyrës për Kosovën në qeverinë e Serbisë, Marko Gjuriq, ka folur për herë të parë publikisht pas arrestimit dhe dëbimit nga Kosova të hënën.
Gjuriq ishte arrestuar në veri të vendit pasi kishte hyrë pa leje, ndërsa ishte dëbuar më pas nga Kosova, transmeton Koha.net.
“Dje separatistët shqiptarë në Prishtinë në përkrahje të hapur nga disa vende të perëndimit, me dhunë sulmuan popullin tonë në Kosovë e Metohi me qëllim të qartë që me terror e dhunë, me policë të armatosur deri në dhëmbë të marrin veriun e Kosovës. Duhet të them se mburrem me qytetarët e Mitrovicës të cilët duarthatë dhe në mënyrë paqësore iu kundërvunë kësaj dhune dhe nuk hoqën dorë nga lufta për mbrojtjen e pragut të vet. Është gënjeshtër se nuk i kemi njoftuar me kohë për takime. I kemi lutur disa herë për leje”, ka thënë Gjuriq pas takimit që pati Lista Serbe me presidentin Aleksandar Vuçiq.
Gjuriq ka thënë se shqiptarët ishin të papërgjegjshëm edhe në Bruksel gjatë bisedimeve Kosovë – Serbi. Sipas tij, po të mos kishte thirrje nga Beogradi, dhuna dhe terrori mbi serbët në Mitrovicë “s’di ku do të përfundonin”
