Shkelet një fëmijë 10-vjeçar nga një veturë në rrugën “Boris Sarafov” ku prindërit protestonin për shkak komunikacionit të rrezikshëm
Në rrugën “Boris Sarafov” të Komunës së Gjorçe Petrivit dje një fëmijë 10-vjeçar është goditur nga një veturë “mazda”. Fëmija ka marrë lëndime të rënda trupore dhe është dërguar në Qendrën Klinike “Nënë Tereza” ku është mbajtur për kurimin e mëtutjeshëm, transmeton Portalb.mk.
“Mazda” ka qenë me targa të regjistrimit të Shkupit dhe të e ka vozitur një person 40-vjeçar nga fshati Shishovë i Shkupit me iniciale T.J.
Ngjarja ka ndodhur dje në mëngjes rreth orës 07:50.
Kjo rrugë disa herë është bllokuar nga qytetarët e Gjorçe Ptrovit që protestuan duke kërkuar siguri më të madhe për fëmijët. Në afërsi ndodhet shkolla fillore “Mirçe Acev”.
Prindërit kanë kërkuar nga Këshilli i Qytetit të Shkupit dhe nga Komuna e Gjorçe Petrovit vendosjen e sinjalizimit përkatës në komunikacion, ku do të ruheshin këmbësorët, veçanërisht fëmijët, por deri sot kjo çështje metët e hapur.
