Fillon llogaritja verore e kohës
Me zhvendosjen e akrepave të orës për një orë para, gjegjësisht nga ora 2 në 3, prej sonte pas mesnate fillon llogaritja verore e kohës, raporton Anadolu Agency (AA).
Llogaritja e tillë e kohës do të zgjasë deri në javën e fundit të tetorit, gjegjësisht më 28 tetor në ora tre të mëngjesit, kur akrepat e orës do të zhvendosen për një orë prapa.
Kalimi nga llogaritja dimore në atë verore të kohës është vendosur me arsyetimin se “vazhdon” dita, mundësohet kursimi i energjisë elektrike, rritet prodhimtaria e fuqisë së punës, përmirësohet përshtatja e njerëzve dhe dita e punës bëhet më efikase.
Në Maqedoni llogaritja verore e kohës për herë të parë është vendosur më 27 mars të vitit 1983.