fbpx

Video tmerruese, Prokuroria zbuloi minj të ngordhur në fabrikën e mishit në Kosovë

Në një reportazh ekskluziv, i cili do të transmetohet këtë të premte, emisioni “Drejtësia në Kosovë” trajton temën e mishit të importuar nga Belgjika.

Reportazhi sjell rrëfimin nga prokurorët e Prizrenit, të cilët janë duke hetuar këtë skandal, shkruan Kallxo.com.

Në filmimet ekskluzive, emisioni do të transmetojë pamjet nga bastisjet e urdhëruara nga Prokuroria e Shtetit në kompanitë që merren me prodhimin e suxhukut, sallameve dhe proshutës e po ashtu në kompanitë që merren me importin e mishit të dyshimtë.

Reportazhi tregon për ambientet e përpunimit të mishit, ku lëvizja e minjve është e papenguar dhe niveli i pastërtisë lë shumë për të dëshiruar.

Reportazhi paraqet edhe momentet kur policia dhe AVUK konfiskojnë 1800 kg mish me afat të skaduar në kompaninë e cila dyshohet se ka importuar mish nga Belgjika.

Filmimet ekskluzive të aktiviteteve të Prokurorisë në këtë rast mund t’i ndiqni të premten nga ora 22:20 në emisionin “Drejtësia në Kosovë”.

Lajme të ngjashme

Leave a Reply

Your email address will not be published. Required fields are marked *

Back to top button