Trump mbron vendimin e tij për të uruar Putinin
Presidenti i Shteteve të Bashkuara, Donald Trump ka mbrojtur vendimin e tij për të uruar presidentin rus, Vladimir Putin për fitoren në zgjedhje, duke thënë se marrëdhëniet e mira me Rusinë janë të domosdoshme për të zgjidhur disa prje problemeve të botës.
“Media e lajmeve të rreme është çmenduar sepse ata duan ta dëmtojnë atë. Ata e kanë gabim. Raportet e mira me Rusinë dhe të tjerët është gjë e mirë, jo gjë e keqe”, ka shkruar presidenti Trump në Twitter.
“Ata mund të ndihmojnë në zgjidhjen e problmeve me Korenë e Veriut, Sirinë, Ukrainën, [Shtetin Islamik], Iranin dhe madje edhe garën e armëve”, ka shkruar Trump në një postim tjetër në Twitter.
Trump është kritikuar pasi ia ka uruar Putinin gjatë një bisede telefonike më 20 mars, për rizgjedhjen e tij si president.
I called President Putin of Russia to congratulate him on his election victory (in past, Obama called him also). The Fake News Media is crazed because they wanted me to excoriate him. They are wrong! Getting along with Russia (and others) is a good thing, not a bad thing…….
— Donald J. Trump (@realDonaldTrump) March 21, 2018
