Rritet numri i viktimave nga rrëzimi i avionit në Nepal
Nga rrëzimi i një avioni të pasagjerëve në Katmandu të Nepalit, kanë vdekur të paktën 40 persona. Fillimisht ishte raportuar për 27 viktima, transmeton REL.
Avioni, që po udhëtonte nga Bangladeshi për në Nepal, është kapluar nga flakët, pasi, teksa ka ateruar ka dalë nga pista.
Sipas raportimeve, edhe 22 persona janë lënduar.
“Shancet për shpëtimin e ndonjë përsoni tjetër janë të vogla, pasi avioni është djegur keq”, ka thënë zëdhësi i ushtrisë Gokul Bhandareee.
Kryeministri i Nepalit, K P Sharma Oli ka shprehur ngushëllime për familjarët e viktimave dhe ka premtuar për një hetim të menjëhershëm.
Aeroporti në Katmandu është mbyllur pas aksidentit.
Shkaqet e rrëzimit të avionit nuk janë bërë të njohura.
