Rita Ora nis punën për këngën e re, publikon fotografi prej studios muzikore (FOTO)
Rita Ora është një ndër këngëtaret më të suksesshme shqiptare në rrafshin ndërkombëtar.
Muajin e kaluar këngëtarja shqiptare pati një perfomancë madhështore në kryeqytetin kosovar të Prishtinës me rastin e dhjetë vjetorit të pavarësisë së Kosovës.
Ajo po thyen rekorde me këngën e fundit “For You“, të cilën e ka sjell në bashkëpunim me Liam Payne, i cili deri më tani është shikuar rreth 69 milionë herë në YouTube, transmeton Telegrafi.
Por, pas shumë vitesh të mungesës së një albumi të ri muzikor, duket se kësaj po i vjen fundi.
Këngëtarja së fundi ka publikuar disa fotografi në llogarinë personale në Instagram teksa shihet në një studio muzikore.
Bukuroshja jonë nuk ka dhënë detaje shumë, pos që ka treguar se po bashkëpunon me producentin Jackson Ducassen.
