Ndizen Zjarret në Prekaz

Një zjarr i madh i ndezur në fshatin Prekaz ka shënuar Natën e Zjarreve, manifestim që mbahet çdo 7 mars.

Zjarre të ngjashme janë ndezur edhe në të gjitha vendet e Kosovës ku janë zhvilluar betejat më të lavdishme të Ushtrisë Çlirimtare të Kosovës, përcjell MIA. 

Dhjetëra djem të veshur me uniforma të UCK-së kanë bartur në dorë flakadanët që simbolizojnë fillimin e Natës së Zjarreve.

Ky manifestim përmbyll Epopenë e UÇK-së që ka filluar më 5 mars për nder të rënies së komandantit legjendar Adem Jashari dhe familjes së tij.

Epopeja e UÇK-së përkujton 5, 6 dhe 7 marsin e vitit 1998 kur bie heroikisht komandanti legjendar Adem Jashari bashkë me të vëllanë Hamzën, babain Shabanin, dajën Osman Gecin dhe anëtarë të familjes së tij.

Lajme të ngjashme

Leave a Reply

Your email address will not be published. Required fields are marked *

Back to top button