Komuna e Gostivarit fton që të paraqiten dëmet nga vërshimet e fundit
Njoftohen qytetarët e Gostivarit, se Komuna e Gostivarit ka formuar Komision për përcaktimin e dëmeve të shkaktuara nga vërshimet, në përputhje me dispozitat ekzistuese ligjore, transmeton Portalb.mk.
Në përputhje edhe me konkluzionet e dala nga seanca e 6-të e Komitetit drejtues për koordinim dhe administrim në sistemin për menaxhim me kriza në nivel qendror, të mbajtur më 05.03.2018.
“Fton të gjithë qytetarët e komunës së Gostivarit të cilët kanë pësuar dëme nga vërshimet e fundit, ato t’i raportojnë në Qendrën për shërbime komunale të Komunës së Gostivarit”, thuhet në njoftimin e Komunës së Gostivarit.
Komisioni për vlerësimin e dëmeve të shkaktuara, do të del në vendngjarje dhe konform dispozitave ligjore do të përcaktohet lartësia e zhdëmtimit.