Java e modës në Londër, befason prania e Mbretëreshës Elizabeth II

Shfaqja e Mbretëreshës së Britanisë së Madhe, Elizabeth II, në rreshtin e parë të një pasarele në javën e modës në Londër ishte krejtësisht e papritur.

Në krah të kryeredaktores së “Vogue”, Ana Wintour, monarkja 91-vjeçare ndoqi sfilatën e stilistit të ri Richard Quinn. Ky i fundit mbylli javën e modës në kryeqytetin anglez, me një koleksion shumëngjyrësh, transmeton TCH.

Në përfundim të shfaqjes, monarkja i prezantoi dizenjatorit Quinn çmimin “Mbretërsha Elizabeth II”, që – siç njoftoi “Buckingham Palace” përmes një deklarate, – është krijuar për të njohur rolin e industrisë britanike të modës në shoqëri dhe diplomaci.

Ai do t’i jepet çdo vit një stilisti të ri britanik, që shfaq talent të jashtëzakonshem dhe origjinalitet.

Londinezi Quinn themeloi kompaninë e tij në vitin 2016. Në faqen zyrtare të internetit të javës së modës në Londër thuhet se, koleksionet e tij janë të guximshme dhe pararojë. Të hënën, monarkja ftoi dizenjatorët dhe modelet në një pritje të zhvilliar në “Buckingham Palace”.

Lajme të ngjashme

Leave a Reply

Your email address will not be published. Required fields are marked *

Back to top button