Forcat turke konfiskuan mbi tre tonë hashash
Forcat turke të sigurisë kanë konfiskuar më shumë se tre tonë hashash në operacionet e kryera kundër organizatës terroriste PKK në provincën Diyarbakir të Turqisë, transmeton Anadolu Agency (AA).
Në njoftimin e kabinetit të prefektit të Diyarbakir theksohet se operacioni, që filloi më 4 shkurt, ka qenë i fokusuar në strehimoret e organizatës terroriste në qarqet Hazro dhe Lice.
Krahas hashashit janë konfiskuar armë dhe shumë dokumente dhe pajisje të ndryshme.
PKK, e cila konsiderohet si organizatë terroriste në Turqi, Bashkimin Evropian dhe Shtetet e Bashkuara të Amerikës, vazhdoi fushatën e armatosur kundër shtetit turk në korrik të vitit 2015.
Që atëherë PKK-ja është përgjegjëse për vdekjen e mbi 1.200 pjesëtarëve të institucioneve të sigurisë dhe civilëve në Turqi, mes të cilëve ka gra dhe fëmijë.