Prezencë e shtuar e KFOR-it tek ura lindore në Mitrovicë

Në afërsi të urës lindore mbi lumin Ibër në Mitrovicë, përkatësisht në hyrje të ‘Lagjes së boshnjakëve’, gjatë orëve të vona të së martës vërehen forca të shtuara të KFOR-it.

Aty ndodhen të stacionuara 6 xhipa, si dhe një autoblindë e KFOR-it me ushtarë hungarezë, ndërsa përtej urës ndodhet edhe një patrullë e pjesëtarëve të Policisë së Kosovës.

Burime të Kosovapress-it bëjnë të ditur se ka prezencë të shtuar edhe të serbëve lokalë tek barrikada në këtë lagje, që ndodhet afër shkollës së mesme teknike, ndërsa nëpër rrugët e veriut pothuajse nuk vërehen fare pjesëtarë të EULEX-it.

Sipas këtyre burimeve, ekziston mundësia që gjatë natës serbët të përforcojnë barrikadën afër shkollës teknike, ndërkohë që parashihet edhe vendosja e barrikadave në disa pika tjera. /Portalb/Kosovapres