Së shpejti film 3D për Luftën e Parë Botërore

Regjisori i trilogjisë “Lord of the Rings”, Peter Jackson, do të shndërrojë pamjet bardh e zi të Luftës së Parë Botërore në një film tredimensional me ngjyra, transmeton Anadolu Agency (AA).

Filmi i regjisorit të njohur nga Zelanda e Re është një nga shumë projektet që realizojnë institucionet kulturore britanike me rastin e shënimit të 100-vjetorit të përfundimit të Luftës së Parë Botërore.

Jackson, për realizimin e filmit dokumentar përdori pamje arkivore të Muzeut Luftarak të Londrës (Imperial War Museum), duke përdorur teknologjinë më bashkëkohore dixhitale.

Siç theksoi, pamjet e reja duken sikur janë xhiruar javën e kaluar me kamera të rezolucionit të lartë.

Organizatorët e projektit njoftuan sot se filmi do të ketë premierën në Festivalin e filmit në Londër në tetor, më pas do të shfaqet në BBC.

Të gjitha shkollat në Britani të Madhe do të marrin nga një ekzemplarë të filmit.

Lajme të ngjashme

Leave a Reply

Your email address will not be published. Required fields are marked *

Back to top button