Pas operacionit që bëri mrekullinë, ndahet nga jeta njëra nga binjakët
Dy binjaket palestineze nga Rripi i Gazës, të cilat lindën me trup të ngjitur me njëra-tjetrën, iu nënshtruan këtë javë një operacioni në Arabinë Saudite, i cili u mundësoi mrekullisht ndarjen e trupave. Por njëra prej tyre ra në vdekje klinike, transmeton Revista Class.
“Haneen është në gjendje konstante dhe drejt përmirësimit pesë ditë pas ndarjes kirurgjikale nga motra e saj klinikisht e vdekur, Farah”, – bëri të ditur Ministria e Informacionit të Arabisë.
“Haneen merr frymë normalisht dhe po trajtohet me ushqim intravenoz”,- tha Dr. Abdullah al-Rabiah, i cili udhëhoqi ekipin e operacionit.
Rabiah tha se shenjat vitale të së miturës palestineze tani janë të mira dhe se ajo nuk e përdor më respiratorin artificial.
Operacioni i ndarjes së binjakeve u krye të hënën dhe përfshinte ndarjen e shumë organeve, duke përfshirë edhe mëlçinë, si dhe përmirësimin e organeve te Haneen.
Sipas AFP, operacioni i dy binjakeve erdhi disa muaj pasi një mjek i familjes së binjakeve u kërkoi autoriteteve shëndetësore në Gaza se ato duhet të shkonin jashtë vendit për kirurgji komplekse.
Allam Abu Hamda, kreu i Departamentit Neonatal në spitalin Shifa të Gazës, tha për AFP në tetor se vajzat kanë lindur me stomak dhe legen të bashkuar dhe se gjendja e komplikuar nuk mund të trajtohej në enklavë.
