Greqi, protestuesit pushtuan ndërtesën e Ministrisë së Punës
Një grup personash të cilët protestonin kundër projektligjit për të drejtat e grevës në kryeqytetin e Greqisë, Athinë, duke pushtuar ndërtesën e Ministrisë së Punës, bastisën zyren e ministres Efi Achtsioglou, raporton Anadolu Agency (AA).
Turma e mbledhur me thirrjen e Frontit Militant Mbarë-punëtor (PAME) protestuan kundër kufizimit të të drejtave të grevës së kërkuar nga kreditorët e vendit. Një pjesë e demonstruesve duke i thyer qepenat e ministrisë hynë brenda.
Personat duke hyrë në zyrën e Ministrisë në katin e 8-të të ndërtesës, nga ministrja Achtsioglou kërkuan që të tërheqë projektligjin. Ndërsa Achtsioglou refuzoi kërkesat e protestuesve.
Ndërkohë tërhoqi vëmendjen që gjatë incidentit policia nuk ishte e pranishme në zyrë, ndërsa kohë pas kohe rritej edhe tensioni mes ministres dhe protestuesve. Protestuesit më pas u larguan nga zyra e ministres.
Greqia e cila përpiqet që të dalë nga kriza ekonomike, shpesh herë përballet me protesta për shkak të masave shtrënguese të kërkuara nga Bashkimi Evropian (BE) dhe Fondi Monetar Ndërkombëtar.
