Tymi i cigares dëmton vajzat më shumë se djemtë

Fëmijët vajza të ekspozuara që në moshë të vogël ndaj tymit të duhanit mund të pësojnë dëmtime 6 herë më të mëdha në krahasim me fëmijët djem.

“Deri më tani kemi përfunduar me sukses një studim 10 vjeçar rreth ndikimeve të tymit të cigares tek fëmijët e moshës 0-2 vjeç”, u shpreh Porf. Dr. Oguz Kiliç, pedagog në fakultetin e mjekësisë në Unviersitetin “Dokuz Eylul” në Turqi dhe drejtues i grupit të kontrollit të duhanit.
Fëmijët e grupmoshave 0-2 vjeç të ekspozuar ndaj tymit të duhanit pësojnë dëmtime serioze në funksionet e mushkërive. Një tjetër rezultat i çuditshëm i studimit është se “fëmijët vajza preken 6 herë më shumë se djemtë”.

“Duhanpirja pasive fillon që në barkun e nënës dhe fëmijët e ekspozuar ndaj tymit të duhanit e fillojnë jetën me rezultatin 1-0. Nëse nëna konsumon cigaren gjatë shtatzënisë atëherë fëmija nuk ushqehet mirë dhe si rrjedhojë lind nën peshë. Edhe nëse paraqet një zhvillim normal ai fëmijë rrezikohet më shumë se të tjerët nga sëmundjet”, u shpreh Prof. Kiliç.

Fëmijët e prekur nga duhanpirja pasive preken nga sëmundje kronike duke filluar që nga asmat dhe nëse prindërit nuk tregojnë kujdesin e duhur ato do t’i shtyjnë vetë fëmijët drejt sëmundjeve kronike.

Cigarja në shtatzani më e rrezikshme se “bungee jumping”
Konsumimi i cigares gjatë shtatzënisë shoqërohet dhe me rrezikun e lindjeve anormale dhe lindjes së fëmijëve me probleme fizike. “U bëj thirrje familjeve që pine cigare pranë fëmijëve të tyre. Ju e ekspozoni qenien më të dashur për ju, dritën e syve tuaj përballë 4 mijë lëndëve kimike. Dhe kjo është e pafalshme.

Nuk ekziston asnjë justifikim për këtë. Dhe ju bëheni shkak të lindjes së fëmijës me një sëmundje kronike të cilën do ta mbart gjatë gjithë jetës së tij. Tashmë shoqëria duhet të ndërgjegjësohet për rrezikun e pirjes së duhanit në prani të fëmijëve. Mund t’ju duket një shembull i hiperbolizuar por pa më thoni pak, a mundet një grua shtatzënë të bëjë “Bungee Jumping” (hedhje nga ura nderkohe qe je e lidhur me litar). Sigurisht që jo. Edhe pirja e cigares është po aq e rrezikshme dhe e papërshtatshme. Të dyja janë po aq të rrezikshme madje të jeni të sigurt se cigarja është edhe më e rrezikshme”, pohon Prof. Dr. Kiliç./femina.al