Moti sot në Maqedoni

Moti në Maqedoni do të jetë me diell, me vranësira të vogla deri mesatare dhe me erë të dobët deri mesatare nga drejtimi jugor, nëpër disa fushëgropa me kushte për paraqitje të mjegullës dhe vranësirave të ulëta.

Temperatura do të lëvizë prej 6 deri në 13 gradë.

Në Shkup do të mbajë mot me diell, me vranësira të vogla deri në mesatare dhe me erë të dobët deri në mesatare nga drejtimi jugor.

Temperatura do të arrijë deri në 6 gradë.

Pason periudhë e motit stabil dhe të thatë. Në pjesën më të madhe të vendit temperaturat ditore do të jenë mbi mesataren për këtë periudhë të vitit, ndërsa kjo do të shkaktojë shkrirje të shtresës së borës. Të shtunën do të ketë më shumë diell, ndërsa prej të dielës do të ketë vranësira  mesatare të konsiderueshme. Nëpër fushëgropa, përfshirë edhe atë të Shkupit, do të ketë mjegull dhe vranësira të vogla, posaçërisht prej të dielës, ndërsa temperatura e ditës në këto vende do të mbetet më e ulët.