Zaev në darkë me kryetarin e Selanikut
Kryeministri i Maqedonisë, Zoran Zaev mbrëmë ka arritur në Selanik, në kuadër të vizitës së tij private, me ftesë të kryetarit të komunës së Selanikut, Yiannis Boutaris, transmeton Alsat M.
“Selaniku i mrekullueshëm si çdoherë, qytet mik në Greqinë fqinje. Në darkë të përbashkët me kryetarin e Selanikut Boutaris folëm për sendet që na lidhin, në mjedis pozitiv. E falënderova për mikpritjen dhe biseduam për pritjet tona për vitin 2018, vit të suksesshëm”, shkruan kryeministri Zaev në rrjetin social Facebook.
Kjo vizitë e Zaevit ngjalli interes të madh te mediat greke, ku gazetarë nga kanale të ndryshme televizive dhe portale, e pritën kryeministrin e Maqedonisë para restorantit në Selanik.
