Kuvendi i konstatoi dorëheqjet e 8 pjesëtarëve të KSHZ-së
Pas skandalit me 9 rrogat të Komisionit Shtetëror Zgjedhor në Maqedoni i cili ngjalli debat të ashpër në opinion si pasojë të së cilës tetë prej nëntë anëtarëve të KSHZ-së dje dhanë dorëheqje, në Kuvendin e Maqedonisë sot janë konstatuar dorëheqjet e të njëjtëve, njofton Portalb.mk.
Dorëheqje dhanë kryetari i KSHZ-së, Aleksandar Çiçakovski, nënkryetari Rexhep Prekopuca, anëtari nga radhët e ekspertëve, Atanas Urumov, anëtarët Silvana Boneva, Sasho Sërcev, Subhi Jakupi, Violeta Duma dhe Igor Milev.
Në funksion mbetet vetëm anëtarja e Lëvizjes BESA, Ermira Asani Salija.
Dorëheqjet erdhën pas shumë reagimeve në opinion, pasi që ambasadori i Amerikës në Maqedoni, Xhes Bejli deklaroi se: “Komisioni Shtetëror Zgjedhor (KSHZ) për zgjedhjet parlamentare dhe lokale të fundit në Maqedoni ka shpërblyer veten me 9 rroga shtesë”. Ndaj kësaj reagoi KSHZ duke thënë “se kompensimet janë marrë në baza ligjore”. KSHZ vendosi njëzëri që “vendimin për 9 rrogat ta publikojnë në uebfaqe por që paratë nuk do të kthehen”.
- LEXO: A do të jepni dorëheqje? Flet anëtarja e Lëvizjes BESA në KSHZ Ermira Asani-Salija
- LEXO: Dha dorëheqje anëtari i KSHZ-së Subhi Jakupi
- LEXO: Kryetari i KSHZ-së dhe dy anëtarë kanë dhënë dorëheqje
- KSHZ vendos: nuk do t’i kthejmë paratë e 9 pagave
- Skandali i KSHZ-së test i rëndësishëm, a do ta kalojë me sukses Qeveria e Maqedonisë
- Publikohet vendimi i shpërblimeve, për 18 muaj KSHZ ka marrë 30 rroga
- Bejli: Anëtarët e KSHZ-së e kanë shpërblyer vetveten me nëntë rroga bonus
- Kompensimet janë bërë në bazë të rregullave ligjore
- KSHZ nuk ka marrë vetëm nëntë paga, por edhe 30 mijë euro për reprezentim
