Qeveria e konfirmoi ligjin për ratifikim të Marrëveshjes me Bullgarinë
Qeveria në seancën e djeshme e shqyrtoi dhe konfirmoi Propozim-ligjin për ratifikim të Marrëveshjes për miqësi, fqinjësi të mirë dhe bashkëpunim midis Republikës së Maqedonisë dhe Republikës së Bullgarisë.
Siç informoi pres-shërbimi qeveritar, Propozim-ligji do të dorëzohet deri te Kuvendi i Republikës së Maqedonisë.
Marrëveshjen për miqësi, fqinjësi të mirë dhe bashkëpunim midis Republikës së Maqedonisë dhe Republikës së Bullgarisë, e nënshkruan kryeministrat e të dy vendeve Zoran Zaev dhe Bojko Borisov më 1 gusht të këtij viti në Shkup.
Marrëveshja do të hyjë në fuqi pasi të ratifikohet në parlamentet e të dy vendeve.