SHBA: Pheniani është drejtpërdrejt përgjegjës për sulmin me virusin “Uonakraj”
Koreja Veriore është “drejtpërdrejt përgjegjëse” për kiber sulmet me virusin “Uonakraj”, me të cilin janë goditur një numër i madh i spitaleve, banka dhe kompani në mbarë botën, deklaroi mbrëmë këshilltari i Shtëpisë së Bardhë për siguri të brendshme, Tom Bosert.
“Sulmi ishte masiv dhe ka kushtuar miliarda dollarë, ndërsa Koreja Veriore është drejtpërdrejt përgjegjëse”, theksoi Bosert.
Këshilltari i presidentit amerikan Donald Tramp theksoi se Pheniani duhet të marrë përgjegjësi, por nuk konkretizoi çfarë masa do të ndërmarrë Uashingtoni lidhur me këtë çështje.
“SHBA-ja do të vazhdojë ta përcjellë strategjinë për kryerje të presionit maksimal”, theksoi Bosert.
Ai deklaroi se konkluzioni i Administratës amerikane për përgjegjësinë për kiber sulmet me “Uonakraj” është marrë në bazë të dëshmive që janë konfirmuar edhe nga ana e qeverive të tjera dhe kompanive private, përfshirë edhe Mbretërinë e Bashkuar dhe “Majkrosoft”.
