SIMO: Miratimi i Propozim ligjit për gjuhët dëshmi për zbatimin e Marrëveshjes së Ohrit
Sekretariati për Implementimin e Marrëveshjes së Ohrit (SIMO) nëpërmjet në kumtese e përshëndet miratimin e Propozim Ligjit për përdorimin e gjuhëve në lexim të dytë pa asnjë ndryshim dhe amandament të pranuar nga ana e Komisionit për çështje Evropiane të Parlamentit të Republikës së Maqedonisë, njofton Portalb.mk.
“Sekretariati për Implementimin e Marrëveshjes së Ohrit (SIMO) përshëndet miratimin e Propozim Ligjit për përdorimin e gjuhëve në lexim të dytë pa asnjë ndryshim dhe amandament të pranuar nga ana e Komisionit për çështje Evropiane të Parlamentit të Republikës së Maqedonisë. Gjithashtu, presim që ky Propozim ligj që parasheh zyrtarizimin e gjuhës shqipe të miratohet në seancën plenare të Kuvendit të Republikës së Maqedonisë”, thuhet në kumtesë.
Ata në kumtesë shtojnë se ky propozim-ligj është një nga kushtet që duhet të plotësohet dhe të parashihet në Planin e Qeverisë reformatore 3-6-9 për integrimin e vendit në Bashkimin Evropian.
“Miratimi i Propozim ligjit për gjuhët dëshmon edhe njëherë vullnetin politik të shumicës parlamentare për zbatimin e Marrëveshjes së Ohrit dhe reformave që janë të nevojshme për procesin integrues të vendit. Ky propozim-ligj është një nga kushtet që duhet të plotësohet dhe të parashihet në Planin e Qeverisë reformatore 3-6-9 për integrimin e vendit në Bashkimin Evropian”, thuhet në kumtesë.
LEXO: Mbaroi debati kuvendor për ligjin e gjuhëve në Komisionin për Çështje Evropiane