Janë anuluar fluturime në aeroportin e Shkupit, komunikacioni rrugor i ngadalësuar
Mjegulla në fushëgropën e Shkupit edhe më tej e pengon zhvillimin e komunikacionit ajror në aeroportin “Aleksandri i Madh” në Shkup dhe e zvogëloi dukshmërinë ndërsa e ngadalësoi edhe komunikacionin urban dhe ndërurban.
Sot në mëngjes, dhe gjatë natës së kaluar janë anuluar ose riorientuar të gjitha fluturimet dhe aterrimet e planifikuara në aeroportin e Shkupit.
Nga Lidhja Automot e Maqedonisë (LAMM) informojnë se dukshmëri të zvogëluar prej 50 deri në 100 metra ka në rrethrrotullimin pranë Shkupit, si dhe në akset rrugore Shkup – Katllanovë dhe Shkup – vendkalimi kufitar Bllacë.
Drejtoria për Punë Hidrometeorologjike (DPHM) paralajmëroi se mjegulla në fushëgropën e Shkupit pasdite do të zvogëlohet. Do të fryjë erë jugore e cila posaçërisht nga fundi i ditës do të përforcohet.