Pas skandalit tetë anëtarë të KSHZ-së dhanë dorëheqje, mbetet vetëm Salija e BESA-s
Anëtarët e KSHZ-së që vijnë nga radhët e VMRO-DPMNE-së, Silvana Boneva dhe Sasho Sërcev tashmë zyrtarisht kanë dorëzuar dorëheqjen nga posti i Komisionit Shtetëror Zgjedhor (KSHZ). Me dorëheqjen e Bonevas dhe Sërcevit, numri i dorëheqjeve në KSHZ arrin në tetë, raporton Portalb.mk.
Në funksion mbetet vetëm anëtarja e Lëvizjes BESA, Ermira Asani Salija.
“Nga dita e zgjedhjes e deri më sot, me vetëdije dhe me përgjegjësi dhe në pajtueshmëri me ligjin kam kryer funksionin tim. Javën e kaluar anëtarët e KSHZ-së u përballën me një lloj tipik të akuzave për korrupsion, të pabaza dhe njëkohësisht u përballëm me gjykime edhe pse punuam në mënyrë ligjore, se ne kemi qenë jonormal. Për shkak të këtyre arsyeve dhe për shkak të rruajtjes së integritetit njerëzor e dorëzoj këtë dorëheqje dhe ju faleminderoj për besimin e deritashëm”, thuhet ndër të tjerash në dorëheqjen e Bonevas, raporton Portalb.mk.
Përndryshe, Silvana Boneva në opinion u bë e njohur pasi që si anëtare e KSHZ-së ka keqpërdorur mjetet e transportit duke bërë që për një ditë të harxhojë 100 euro vetëm për lëndë djegëse apo rreth 9,700 denarë, këto para ajo i ka inkasuar gjatë periudhës kohore dhjetor 2015 – korrik 2016. Inkasimi i të hollave u bë pasi që u publikuan të dhënat e harxhimeve të saja, ngjashëm sikurse tash, kur u diskutuar shpërblimi i anëtarëve të KSHZ-së në vlerë prej nëntë pagave mujore.
Ndryshe, krahas Bonevas dhe Sërcevit, dorëheqje kanë dorëzuar edhe nënkryetari i KSHZ-së, Rexhep Prekopuca, anëtari nga radhët e ekspertëve Atanas Urumov, anëtarët: Subhi Jakupi, Violeta Duma dhe Igor Milev si dhe kryetari, Aleksandar Çiçakovski.
Dorëheqjet vijnë pas shumë reagimeve në opinion, pasi që ambasadori i Amerikës në Maqedoni, Xhes Bejli deklaroi se: “Komisioni Shtetëror Zgjedhor (KSHZ) për zgjedhjet parlamentare dhe lokale të fundit në Maqedoni ka shpërblyer veten me 9 rroga shtesë”. Ndaj kësaj reagoi KSHZ duke thënë “se kompensimet janë marrë në baza ligjore”. KSHZ vendosi njëzëri që “vendimin për 9 rrogat ta publikojnë në uebfaqe por që paratë nuk do të kthehen”.
- LEXO: A do të jepni dorëheqje? Flet anëtarja e Lëvizjes BESA në KSHZ Ermira Asani-Salija
- LEXO: Dha dorëheqje anëtari i KSHZ-së Subhi Jakupi
- LEXO: Kryetari i KSHZ-së dhe dy anëtarë kanë dhënë dorëheqje
Para disa ditëve në ueb-faqen “change.org”, iniciativa qytetare “Megafon” ka ngritur një iniciativë për dorëheqjen e anëtarëve të Komisionit Shtetëror Zgjedhor, për shkak siç thonë ata, sjelljen e tyre jo etike dhe shkeljen e parimit për punë, të publikuar në ueb faqen e KSHZ-së.
Dorëheqje u kërkua për:
- Aleksandar Çiçakovski – kryetar
- Rexhep Prekopuca – nënkryetar
- Atanas Urumov – anëtar
- Violeta Duma – anëtar
- Igor Milev – anëtar
- Sasho Sërcev – anëtar
- Silvana Boneva – anëtar
- Subhi Jakupi – anëtar
- Ermira Asani Salija – anëtar
LEXO MË SHUMË:
- KSHZ vendos: nuk do t’i kthejmë paratë e 9 pagave
- Skandali i KSHZ-së test i rëndësishëm, a do ta kalojë me sukses Qeveria e Maqedonisë
- Publikohet vendimi i shpërblimeve, për 18 muaj KSHZ ka marrë 30 rroga
- Bejli: Anëtarët e KSHZ-së e kanë shpërblyer vetveten me nëntë rroga bonus
- Kompensimet janë bërë në bazë të rregullave ligjore
- KSHZ nuk ka marrë vetëm nëntë paga, por edhe 30 mijë euro për reprezentim