Anëtarët e KSHZ-së Prekopuca dhe Urumov dhanë dorëheqje
Nënkryetari i KSHZ-së, Rexhep Prekopuca dhe anëtari nga radhët e ekspertëve Atanas Urumov, kanë dhënë dorëheqje, me çka numri i anëtarëve që shkojnë nga KSHZ arrin në gjashtë pasi doli skandali me ndarjen e bonuseve, njofton Portalb.mk.
Në funksion ngelin anëtarja e Lëvizjes BESA, Ermira Asani Salija dhe dy anëtarë të propozuar nga VMRO-DPMNE, Silvana Boneva dhe Sashko Sërcev.
Sipas informatave jo-zyrtare Boneva dhe Sërcev gjithashtu do t’i përgatisin dorëheqjet.
Dorëheqjet vijnë pas shumë reagimeve në opinion, pasi që ambasadori i Amerikës në Maqedoni, Xhes Bejli deklaroi se: “Komisioni Shtetëror Zgjedhor (KSHZ) për zgjedhjet parlamentare dhe lokale të fundit në Maqedoni ka shpërblyer veten me 9 rroga shtesë”. Ndaj kësaj reagoi KSHZ duke thënë “se kompensimet janë marrë në baza ligjore”. KSHZ vendosi njëzëri që “vendimin për 9 rrogat ta publikojnë në uebfaqe por që paratë nuk do të kthehen”.
- LEXO: A do të jepni dorëheqje? Flet anëtarja e Lëvizjes BESA në KSHZ Ermira Asani-Salija
- LEXO: Dha dorëheqje anëtari i KSHZ-së Subhi Jakupi
- LEXO: Kryetari i KSHZ-së dhe dy anëtarë kanë dhënë dorëheqje
Para disa ditëve në ueb-faqen “change.org”, iniciativa qytetare “Megafon” ka ngritur një iniciativë për dorëheqjen e anëtarëve të Komisionit Shtetëror Zgjedhor, për shkak siç thonë ata, sjelljen e tyre jo etike dhe shkeljen e parimit për punë, të publikuar në ueb faqen e KSHZ-së.
LEXO MË SHUMË:
- KSHZ vendos: nuk do t’i kthejmë paratë e 9 pagave
- Skandali i KSHZ-së test i rëndësishëm, a do ta kalojë me sukses Qeveria e Maqedonisë
- Publikohet vendimi i shpërblimeve, për 18 muaj KSHZ ka marrë 30 rroga
- Bejli: Anëtarët e KSHZ-së e kanë shpërblyer vetveten me nëntë rroga bonus
- Kompensimet janë bërë në bazë të rregullave ligjore
- KSHZ nuk ka marrë vetëm nëntë paga, por edhe 30 mijë euro për reprezentim