Audi dhuron vetura të reja për yjet e Realit: Ramos e CR7 zgjedhin më të shtrenjtit – Carvajal fiton garën me formula (Foto)
Yjet e Real Madridit kanë përjetuar një gëzim të madh nga sponsori sponsor i klubit, marka e njohur e veturave Audi, që ua ka dhuruar atyre nga një makinë të re.
Cristiano Ronaldo ka thyer rekordin e tij për gola në Ligën e Kampionëve gjatë fitores së thellë 6-0 ndaj Apoelit të martën mbrëma dhe ishte ai që zgjodhi të merrte motorin më të fuqishëm që Audi mund t’i ofronte lojtarëve, transmeton Telegrafi.
32-vjeçari portugez ka zgjedhur modelin Audi RS7, i cili ka mbi 600 kuaj-fuqi dhe çmimi i tij real në treg është pak më shumë se 150 mijë funte apo rreth 200 mijë euro.
Menaxheri i klubit Zinedine Zidane zgjodhi për modelin tjetër të shpejt të Audisë, tipin RS6, të ngjashëm për nga fuqia e motorin me Ronaldon.
Kapiteni i skuadrës, Sergio Ramos zgjodhi modelin më të shtrenjtë të dhuratave. Modeli Audi R8 Spyder, i cili kushton mbi 200 mijë euro u bë i spanjollit.
