Të paktën 19 viktima nga një zjarr në Kinë
Të paktën 19 persona e kanë humbur jetën, ndërsa tetë janë lënduar në zjarrin që shpërtheu në një ndërtesë dykatëshe në Pekin.
Zjarri është shuar, ndërsa të lënduarit janë transferuar në spital.
Televizioni shtetëror kinez më vonë njoftoi se autoritetet kanë arrestuar disa persona lidhur me zjarrin. Nuk u saktësua sa persona janë arrestuar, as nëse janë të dyshuar për shkaktim të qëllimshëm të zjarrit ose për moskujdes.
