Turqia ndalon katër filma gjermanë për homoseksualë

Turqia ka anuluar një festival të filmave për homoseksualë në gjuhën gjermane, që ishte planifikuar të mbahej në Ankara, duke thënë se kjo mund të nxiste sulme terroriste.

Organizatorët “Pink Life QueerFest Four” kishin planifikuar prezantimin e katër filmave më 16 dhe 17 nëntor.

Ata janë shprehur se vendimi “i privon nga të drejtat e tyre kushtetuese”, transmeton Koha.net.

Homoseksualiteti në Turqi nuk është ilegal, por disa aktivistë thonë se homofobia mbetet shumë e përhapur.

Festivali ishte i përkrahur nga ambasada Gjermane, raporton AFP.