fbpx

Policia serbe arrestoi edhe një shqiptar

Në vend kalimin kufitar në Merdar policia e Serbisë sot ka arrestuar Mark Kasnetin, i cili, sipas palës serbe, dyshohet se si pjesëtar i Ushtrisë Çlirimtare të Kosovës ka kryer krime mbi civilët serbë.

Ministri i Punëve të Brendshme të Serbisë, Ivica Daçiç i tha Tanjugut se Kasneti është përgjegjës për krime lufte ndaj serbëve në Kosovë në vitet ’90.

“Ky nuk është një arrestim mbi baza nacionale. Bëhet fjalë për një të dyshuar për krime lufte ndaj civilëve, për fajësinë e tij do të tregojë procesi i mëtejmë”, ka thënë Daçiç. 

Sipas ministrit serb, policia e ka arrestuar Kasnetin në autobus. Ndërsa zëvendësi i prokurorit për krime lufte, Bruno Vekariç, ka konfirmuar se Kasneti është arrestuar në Merdar dhe “ai dyshohet se si pjesëtar i UÇK-së, gjatë viteve ’90 ka kryer krime lufte ndaj civilëve serbë në Kosovë”.

Sipas tij Kasneti gjatë ditës do të dërgohet në Gjykatën Speciale në Beograd, ku do të merret në pyetje nga prokurori, kurse gjykatësi i procedurës paraprake do të vendos për masën e arrestit.

“Lëndën kundër Kasnetit e kemi formuar në bazë të fotografive që kemi marrë ndaj të dëmtuarve dhe në atë mënyrë kemi konstatuar përgjegjësinë e tij potenciale”, tha Vekariç./Telegrafi/

Lajme të ngjashme

Back to top button
Close