Siri, rritet numri i të vdekurve nga sulmet ndaj tregut në Halep
Numri i të vdekurve gjatë sulmeve ajrore ndaj tregut në qytezën Etarib, në perëndim të qytetit Halep në Siri, është rritur në 57, raporton Anadolu Agency (AA).
Kryetari i Mbrojtjes Civile Siriane (Helmetat e Bardhë), Raid Salih, në një deklaratë për AA tha se po vazhdojnë punimet për nxjerrjen e kufomave dhe se mendojnë që sulmi të jetë kryer nga forcat ruse.
Salih ka konfirmuar rritjen e numrit të viktimave në 57 dhe ka bërë të ditur se punimet për kërkim shpëtim janë duke vazhduar.
Zona rurale e Halepit ndodhet brenda zonës së deeskalimit në Idlib, e formuar në kuadër të marrëveshjeve në Astana nga shtetet garantuese, Turqia, Rusia dhe Irani.
