Shqipëri, gjyqtari mbetet në burg, milionat u gjendën në dhomën e fëmijëve

Gjykata e Krimeve të Rënda në Shqipëri vendosi masën e arrestit burg për gjyqtarin e Gjykatës së Apelit të Tiranës Shkëlqim Miri, shkruan Ora News.
Kjo ishte masa e sigurisë e kërkuar nga prokuroria e Krimeve të Rënda, ndërkohë avokati Ardian Visha ka kërkuar një masë më të butë sigurie duke pretenduar se klienti i tij vuan nga një sëmundje tumorale në kokë dhe ka nevojë për kurim.
Madje dhe për shumën e lekëve që janë gjetur në shtëpi avokati pretendon se këto do të shërbenin për ndërhyrjen kirurgjikale.