Spasovski: depolitizimi i DSK-së është punë e madhe
Ministri i Punëve të Brendshme, Oliver Spasovski sot gjatë “Debatit shkencor për procesin e transformimit të Drejtorisë së Sigurisë dhe Kundërzbulimit (DSK)” në Fakultetin e Sigurisë në Shkup vlerësoi përbërja birokratike-politike e DSK-së ka gjeneruar korrupsionin në shoqëri dhe e kuptojmë se sa punë e madhe është që të bëhet reformimi i tij, raporton Portalb.mk.
“Jemi të një mendimi se DSK me konceptin e tij të funksionimit ka qenë objekt i politikës klasike dhe keqpërdoruese si pasojë e së cilës përbërja politiko-birokrate gjeneroi edhe më shumë korrupsionin e përgjithshëm në shoqëri. Kështu kuptojmë se sa e madhe është detyra që morëm në drejtim të reformave të këtij segmenti të sigurisë”, tha Spasovski.
Spasovski vlerësoi se pas asaj që e përjetuam dhe pamë askush nuk ka dilemë se sa i nevojshëm është transformimi i DSK-së.
“Pas gjithë asaj që pamë dhe e përjetuam me vite, askush nuk ka dilemë se është i nevojshëm transformimi i Drejtorisë së Sigurisë dhe Kundërzbulimit përfshirë edhe mekanizmat e kontrollit të sistemit të përgjimeve në drejtim të sigurisë dhe redefinimit të sistemit”, tha Spasovski.
Ministri i Brendshëm, Spasovski tha se reformat në DSK të cilat parashihen me Planin 3-6-9 dhe që zhvillohen në bashkëpunim me faktorin ndërkombëtar parashohin ndryshime të nevojshme në sistemin kuadrovik, normativ, teknik dhe të sistemit të përgjimeve jo vetëm në DSK por edhe në MPB.