Rusia e paralajmëroi Ukrainën t’i mos i ndërpresë marrëdhëniet diplomatike
Rusia sot paralajmëroi se vendimi eventual i Ukrainës që t’i ndërpresë marrëdhëniet diplomatike me Moskën do t’i dëmtojë interesat e qytetarëve të të dy vendeve, si dhe të procesit paqësor për Ukrainën lindore.
Ukraina javën e ardhshme do të shqyrtojë propozim ligj, i cili përmban dispozita për ndërprerjen e marrëdhënieve diplomatike me Rusinë.
Zëdhënësi i presidentit rus Vlladimir Putin, Dimitrij Peskov deklaroi se vendimi për ndërprerjen e marrëdhënieve është padyshim e drejtë sovrane e Ukrainës.
“Kievi në vitet e kaluara mori disa vendime me pasoja përfundimisht negative ndaj konfliktit nën rajonet juglindore të vendit”, deklaroi Peskov.