fbpx

Ruci -Veseli: Njohja e diplomave mes Shqipërisë dhe Kosovës do të bëhet në mënyrë automatike

Shqipëria dhe Kosova do të krijojnë një komision të përbashkët parlamentar, që pritet të krijojë lehtësira të mëdha për studentët e të dyja vendeve, si në njohjen reciproke të diplomave dhe të studimeve, ashtu edhe të shkëmbimeve të studentëve.

Lajmi u bë i ditur sot gjatë konferencës së përbashkët për shtyp të kryetarit të Kuvendit të Kosovës, Kadri Veseli dhe kryetarit të Kuvendit të Shqipërisë, Gramoz Ruçi, i cili ndodhet në Prishtinë për një vizitë dyditore, i shoqëruar nga shefat e grupeve parlamentare shqiptare.

“U dakorduam që të dy parlamentet të krijojnë një komitet për të zgjidhur problemet legjislative, për të lehtësuar mjaft pengesa siç janë çështja e njohjes së diplomave të studentëve në të dy vendet, lëvizja e njerëzve, lejet e qëndrimit apo edhe procedurat doganore”, theksoi Ruçi.

Ndërsa kryetari i Kuvendit të Kosovës, Kadri Veseli, u shpreh se çështja që do të zgjidhet më me urgjencë është mes të dyja vendeve është njohja e diplomave.

Ai theksoi se ” njohja e diplomave të studentëve nga Kosova dhe Shqipëria do të bëhet në mënyrë automatike”.

“Nga viti i ardhshëm akademik, studentët e Universitetit ‘Isa Boletini’ nga Prishtina mund të ndjekin një semestër të studimeve në Universitetin ‘Ismail Qemali’ të Vlorës dhe anasjelltas”, theksoi Veseli.

Lajme të ngjashme

Leave a Reply

Your email address will not be published. Required fields are marked *

Back to top button