Afganistani ndalon WhatsApp-in dhe Telegramin
Afganistani ka urdhëruar ndalim të përkohshëm të shërbimeve WhatsApp dhe Telegram, duke cituar se ka “probleme teknike” dhe se duhet mbikëqyrje më e madhe.
Të dyja aplikacionet janë të popullarizuara nga përdoruesit afganë, përfshirë edhe militantët talibanë.
Zëdhënësi afgan nga Ministria për Komunikim dhe Teknologji Informative, Sayed Najib Nangyal, e ka konfirmuar për Radio Europa e Lirë urdhri është nënshkruar, por nuk është shpjeguar për arsyet e këtij vendimi.
“Kemi vendosur të ndalojmë këto dy aplikacione, për shkak të disa problemeve teknike dhe mbikëqyrje më të mirë”, ka thënë Nangyal.
Ai ka shtuar se ndalimi është i përkohshëm, do të zgjasë për 20 ditë, duke thënë se rrjetet tjera sociale “Facebook, Twitter dhe YouTube nuk ndikohen” nga vendimi.