Parlamenti britanik kërkon nga Twitter informata rreth llogarive ruse

Një komision parlamentar në Britani, ka kërkuar nga Twitter detaje të llogarive të lidhura me Rusinë, vetëm disa ditë pasi homologët e tyre në Shtetet e Bashkuara adresuan një kërkesë të ngjashme ndaj kompanive të rrjeteve sociale, shkruan REL.

Komiteti i Dhomës së Përbashkët Digjitale, Kulturore, për Media dhe Sport (DCMS), tha se kërkesa është shtruar duke pasur parasysh informacionin që i është dhënë Kongresit të SHBA-së që po hetojnë ndërhyrjen e supozuar ruse në zgjedhjet presidenciale të vitit 2016.

Kryetari i Komitetit, Damian Collins, i shkroi Drejtorit Ekzekutiv të Twitter, Jack Dorsey, duke i kërkuar informacion për çdo postim në lidhje me politikën e Mbretërisë së Bashkuar nga llogaritë ruse.

Collins në kërkesën e tij drejtuar rrejtit social shkroi se “Gjatë seancave u bë e qartë se organizata juaj ka zbuluar 2,752 llogari në lidhje me agjencinë kërkimore të internetit me bazë në Shën Petersburg”.

“Më pas doli se disa nga këto llogari po publikonin po ashtu edhe përmbajtje që kanë lidhje me politikën e Mbretërisë së Bashkuar”.

Collins i dha Twitter një afat për të siguruar informacionin e kërkuar.

Lajme të ngjashme

Leave a Reply

Your email address will not be published. Required fields are marked *

Back to top button