Është e mundur që Puxhdemon të arrestohet

Gjykatësi hetues spanjoll mund të urdhërojë arrestimin e ish-liderit katalonas Karles Puxhdemon dhe pesë anëtarëve të Qeverisë rajonale katalonasa, pa marrë parasysh nëse do të paraqiten në Gjykatë në Spanjë apo jo.

Avokati i Puxhdemonit, Pol Baker ka theksuar se nëse Spanja kërkon ekstradimin e Puxhdemonit, vendimin për këtë do ta marrin gjykatësit belg, e jo Qeveria.

Dy anëtarë të Qeverisë të Puxhdemonit dje u kthyen nga Brukseli.

Avokati i Puxhdemonit ka theksuar se Puxhdemoni nuk ka për qëllim të kthehet nga Brukseli në javët e ardhshme.

Puxhdemon, dje ka theksuar se do të kthehet në Spanjë nëse merr garanci se do të ketë gjykim të drejtë.