Ja çfarë deklaroi pas votimit kandidati për kryetar të Gostivarit, Nevzat Bejta (VIDEO)
Kryetari i Komunës dhe kandidati Nevzat Bejta bashkë me familjen e tij votoi në Gostivar. Në prononcimin për mediat Bejta ftoi qytetarët të merrnin pjesë në mënyrë demokratike, për të ushtruar të drejtën e tyre të votës, njofton Portalb.mk.
“Si qytetar i Gostivarit votova së bashku me familjen time. Ftoj të gjithë qytetarët të votojnë, në mënyrë demokratike. Falënderoj për punën e tyre anëtarët e komisionit zgjedhor dhe shpresoj në një mbarëvajtje sa më të mirë të zgjedhjeve,” u shpreh Bejta.
I pyetur nga gazetarët rreth pritshmërive të tij, Bejta tha që rezultati përfundimtar beson që të jetë ende më i favorshëm se në raundin e parë, ku ai ishte në epërsi ndaj kundërkandidatit të tij.
LEXO: Ja çfarë deklaroi pas votimit kandidati për kryetar të Gostivarit, Arben Taravari (VIDEO)