Manastir, Taleski dhe të punësuarit e pritën kryetaren e re të komunës me qilim të kuq (FOTO)

Sot në ora 10:00 është kryer akti i pranim-dorëzimit të funksionit kryetar i Komunës së Manastirit, njofton Portalb.mk.

Të punësuarit përpara ndërtesës së komunës e kanë pritur kryetaren e re të Manastirit, Natasha Petrovska me qilim të kuq, ndërkaq kryetari në ikje, Vlladimir Taleski ka pasur takim ku edhe ia ka dorëzuar kryetares së re “çelësat” e komunës.

Taleski tha se ky është moment historik për Komunën e Manastirit pasi që për herë të parë një grua dhe njeriu i parë i komunës ka marrë aq shumë vota (31.000). Ai shtoi se Manastiri gjen përsëri forca dhe kapacitete për demokracinë, ndërkaq Petrovskën e ka porositur që të jetë kryetare për të gjithë qytetarët.

Nga ana tjetër Petrovska deklaroi se do ta përdor tërë energjinë dhe diturinë për t’u përkushtuar në interes të Manastirit.