fbpx

Haxhiev: Qytetarët kanë 3,8 miliardë euro në banka, depozitat të sigurta

Depozitat e qytetarëve në bankat dhe kursimoret në vend janë të sigurta, tha drejtori i Fondit për Sigurim të Depozitave në Republikën e Maqedonisë, Borçe Haxhiev, në intervistën për MIA-n në prag të Ditës Botërore të Kursimeve, 31 tetori.

“Depozitat e kursimeve për secilin depozitues në shumë deri në 30 mijë euro në kundërvlerë të denarit janë të siguruar në Fond dhe janë të sigurta. Dhe nëse ndonjë bankë ose kursimore ka ndonjë ngjarje të rrezikshme, ata depozitues kompensohen”, sqaron Haxhiev.

Të dhënat nga Fondi tregojnë se për momentin shtetasit e Maqedonisë kanë 3,8 miliardë euro kursime në banka dhe kursimoret në vend.

Më shumë se gjysma apo 50,5 për qind”, siç tha Haxhiev janë në denarë, ndërsa 49,5 për qind në euro.

Sipas tij, shumica e kursimeve në denarë me siguri ka të bëjë në  normat më të larta të interesit të këtyre depozitave kursyese por edhe të kursit të qëndrueshëm të denarit.

Ai i porosit qytetarët vetëm të kursejnë dhe se nuk ka rëndësi në cilën monedhë.

Qytetarët më shumë u besojnë bankave të mëdha dhe atje janë numri më i madh i depozitave.

Ai shton se numri më i madh i depozitave të kursimit është deri në 30 mijë euro.

“Kjo shumë është e garantuar, por ka depozita mbi këtë shumë. Pjesa më e madhe e tyre janë deri në 30 mijë euro. Qytetarët e dinë këtë dhe ata vetë e disperzojnë rrezikun duke vendosur depozita në disa banka apo më shumë persona nga familja”, tha në intervistën drejtori i Fondit për Sigurim të Depozitave.

Ai theksoi se kjo shumë me hyrjen e Maqedonisë në BE do të rritet në 100 mijë euro, siç është në vendet e Bashkimit Evropian, por se edhe do të sigurohen edhe depozitat e kursimeve të personave juridik.

Lajme të ngjashme

Leave a Reply

Your email address will not be published. Required fields are marked *

Back to top button