fbpx

Vogëlushi ndërton shtëpinë e ëndrrave me 1300 euro brenda një viti (FOTO)

Luke Thill 13-vjeç nga Shtetet e Bashkuara, filloi vitin e kaluar të ndërtojë një shtëpizë për vete, pasi dëshironte të kishte një hapësirë që do t’i shërbente vetëm atij, njofton Tesheshi.com.

Kështu, në oborrin e shtëpisë së prindërve ndërtoi shtëpizën që i kushtoi vetëm 1.300 euro. Kjo shtëpizë është mbi tetë metra katrorë.

Ai arriti ta shndërroi këtë shtëpizë në një hapësirë të përkryer për të kaluar kohën e lirë, ku brenda ka një televizor në dhomën e gjumit të ndërtuar në kulm.

Por, ai zakonisht bën detyrat e shtëpisë dhe vetëm katër ditë të javës fle në të. Nganjëherë e vizitojnë miqtë, të cilëve u shërben ëmbëlsira që i gatuan në kuzhinën e vogël.

Ideja për të ndërtuar i kishte lindur gjatë verës teksa qëndronte i mbyllur brenda në shtëpi.

Për ta realizuar “projektin” ai ndihmonte fqinjët në punë të ndryshme në këmbim të parave dhe materialeve të ndryshme që i nevojiteshin për ndërtimin e saj.

Mbi 75 përqind të materialeve që ka përdorur për ndërtimin e shtëpizës janë të ricikluara.

 

Lajme të ngjashme

Leave a Reply

Your email address will not be published. Required fields are marked *

Back to top button