FAO kujdeset për bashkëpunimin ndër-rajonal mbi speciet që pushtojnë pyjet

Kur shëndeti, biodiversiteti, apo edhe mbijetesa afatgjate e pyjeve është në rrezik, fajtori nuk është gjithnjë prerjet, ndërtimi i rrugëve ose shtrirja urbane. Gjithnjë e më shumë, speciet pushtuese pyjore po përhapen dhe dëmtojnë pemët dhe pyjet në mbarë botën.

Një takim ndërkombëtar tre-ditor i organizuar nga FAO mblodhi këtë javë në Budapest nga 26 shtete. Ata do të diskutojnë intensivisht rritjen e numrit të gjitarëve të pyjeve, parazitët ekozotikë, pyjet urbanë, dhe problemin e përhapjes së çakallit të artë që nxitet nga kërkimi për ushqim apo nga ndryshimet klimatike, dhe të tjera çështje.

Një specie invazive është një bimë, kërpudhë ose lloj kafshe që nuk është vendase në një vend dhe që ka tendencë për t’u përhapur në një shkallë që shkakton dëme mjedisore dhe probleme të tjera.

Sot, shumë prej këtyre specieve po përhapen me një ritëm më të shpejtë ose duke hyrë në zona ku ata nuk janë parë më parë. Ndryshimet klimatike dhe intensifikimi i tregtisë globale janë ndër faktorët kontribues, sipas FAO.

“Për fat të keq, rajoni i Evropës dhe Azisë Qendrore nuk është një zonë e pastër nga speciet e tilla invazive,” tha oficeri i pylltarisë i FAO-s Norbert Winkler-Ráthonyi. “Insektet invazive në veçanti dëmtojnë pyjet këtu.”

Dëmtimi zakonisht fillon në një territor të vogël, por lehtë mund të intensifikohet dhe të përhapet në zona të mëdha pyjore. Pyjet dhe pemët në zonat urbane dhe të mbrojtura, duke përfshirë pyjet e virgjër, mund të preken.

FAO është aktive në disa drejtime për të monitoruar më mirë insekte të tilla – të tilla si sëmundja procesionare e pishës në Shqipëri. Gjatë takimit të kësaj jave, ekspertët planifikojnë të formojnë një rrjet të ri Pyjor Invaziv për Europën dhe Azinë Qendrore, të mbështetur nga FAO.

“Nëpërmjet këtij Rrjeti të ri mund të arrijmë më shumë vende, më shumë ekspertë dhe mund të kemi bashkëpunim rajonal në menaxhimin e specieve pushtuese pyjore”, shtoi Winkler-Ráthonyi.

Rrjeti do të mundësojë shkëmbimin e informacionit, do të mobilizojë resurset dhe do të rrisë ndërgjegjësimin për speciet pushtuese pyjore. Përmes tij, ekspertët, institucionet, grupet shkencore dhe të tjerët do të lidhen me njëri-tjetrin.

Ekspertët pritet të diskutojnë një plan pune për vitin e ardhshëm, si dhe përpjekjet për komunikim dhe ndërgjegjësim. Ndërgjegjësimi i vendimmarrësve, profesionistëve pyjorë dhe publikut për lëvizjen e shpejtë të specieve pushtuese pyjore dhe kërcënimin ndaj burimeve natyrore konsiderohet vendimtar.

Takimi filloi me një pamje konkrete të problemeve tek bimët bishtajore që janë një nga shkaktarët kryesorë të sëmundjeve të pishave në Evropë dhe Azinë Qendrore.

Rrjete të ngjashme ekzistojnë për Afrikën, Azi-Paqësor, Lindjen e Afërt, dhe Amerikën Jugore.

Shtetet pjesëmarrëse janë: Armenia, Austria, Azerbaixhani, Bjellorusia, Bosnia dhe Hercegovina, Bullgaria, Kroatia,Republika Çeke, Franca, Gjeorgia, Hungaria, Letonia, Moldavia, Norvegjia, Polonia, Rumania, Federata Ruse, Serbia, Sllovakia, Sllovenia, Spanja, Suedia, Taxhikistani, Ukraina, Uzbekistani.

Lajme të ngjashme

Leave a Reply

Your email address will not be published. Required fields are marked *

Back to top button