Ja sa persona kanë votuar deri në orën 13 në Ohër, Strugë, Debarcë dhe Strumicë
Deri në orën 13 në zgjedhjet lokale në Ohër kanë dalë dhe kanë votuar 25 për qind nga 52.858 qytetarë me të drejtë vote, ndërsa procesi zgjedhor po zhvillohet pa pengesa në një atmosferë korrekte dhe demokratike, pa parregullsi.
Në Strugë jehona e zgjedhjeve deri në orën 13 arrin 22,8 për qind nga gjithsej 60.539 votues të regjistruar. Nga KKZ në Strugë njoftojnë se deri më tani ata nuk kanë marrë kurrfarë kumtese zyrtare për çfarëdo qoftë parregullsish në procesin zgjedhor.
Në Debarcë deri në orën 13 të drejtën e votës e kanë realizuar 32 për qind nga numri i përgjithshëm i 4.625 qytetarë të regjistruar në listën zgjedhore. Në Debarcë nuk ka kurrfarë probleme as parregullsi në procesin zgjedhor.
Deri në orën 13 në Strumicë, sipas Komisionit komunal të zgjedhjeve, të drejtën e votës e kanë shfrytëzuar 26,7 për qind. Sipas kryetarit të komisionit, Aleksandar Çebotarev, votimi tani për tani po zhvillohet qetë dhe pa incidente, në të gjitha 83 vendvotimet.
Në komunën e Strumicës 49.235 votues kanë të drejtë ta japin votën e tyre për dy kandidatë për kryetar komune dhe për dy lista të këshilltarëve.
Dje, të drejtën e votës kanë mundur ta shfrytëzojnë 218 persona të sëmurë dhe të pafuqishëm.
Po votohet edhe në komunat rurale në rajonin e Strumicës.
Në Bosillovë votojnë 12.318 votues në 19 vendvotime, për dy kandidatë për kryetar komune dhe për dy lista të këshilltarëve, ndërsa deri në orën 13 jehona është 15 për qind
Në Vasilevë 10.437 votues mund të përcaktohen për dy kandidatë për kryetar komune dhe tre lista të këshilltarëve, në 19 vendvotime, ndërsa deri në orën 13 kanë votuar 21 për qind e votuesve të regjistruar.
Në komunën Novosellë për tre kandidatë për kryetar komune dhe dy lista të këshilltarëve, të drejtën e tyre qytetare mund ta shfrytëzojnë 11.452 votues në 20 vendvotime, ndërsa prej tyre, deri në orën 13 në votim kanë dalë 21 për qind.
